आदर्श शिक्षिका मंगल चव्हाण यांचा सेवापूर्ती गौरव

शिक्षकांनी प्रामाणिकपणे ज्ञानदानाचे कार्य केल्यास सक्षम, सुसंस्कृत पिढी घडेल -शिक्षणाधिकारी श्री.कुलकर्णी

By MahaTimes ऑनलाइन – बीड |

इमानदारी ने केलेले ज्ञानदान समाजकार्यापेक्षा ही श्रेष्ठ ठरते. शिक्षकांनी प्रामाणिकपणे ज्ञानदानाचे कार्य केल्यास निश्चितच सक्षम, सुसंस्कृत पिढी घडेल. असे विचार शिक्षणाधिकारी (प्रा.) श्रीकांत कुलकर्णी यांनी बुधवारी आदर्श शिक्षिका मंगल चव्हाण यांच्या सेवापूर्ती गौरव समारंभात बोलतांना व्यक्त केले.

जिल्हा परिषद केंद्रीय आदर्श शाळा अशोकनगर च्या आदर्श शिक्षीका मंगल बन्सीधर चव्हाण ह्या 31 मार्च रोजी नियत वयोमानानुसार सेवानिवृत्त झाल्या. त्यांचा सेवापुर्ती गौरव सोहळा बुधवारी (दि. 6) रोजी पार पडला. यावेळी शिक्षणाधिकारी (प्रा) श्रीकांत कुलकर्णी यांनी वरील विचार मांडले. यावेळी सेवानिवृत्त आदर्श शिक्षिका मंगल बन्सीधर चव्हाण यांचा भव्य दिव्य असा सत्कार करण्यात आला.

यावेळी गट शिक्षणाधिकारी श्रीराम टेकाळे, समाजसेवक गौतम खटोड, नगरसेवक संजय उढाण, लक्ष्मण इटकर, माजी सभापती खुर्शीद आलम, माजी नगरसेवक सुनील महाकुंडे, सुधीर भांडवले, शेख एजाज खन्नाभाई, शिक्षण विस्तार अधिकारी सिद्धेश्वर माटे, तुकाराम जाधव, समंदर खान, केंद्र प्रमुख फेरोज पठाण, केंद्रीय मुख्याध्यापक शेख मुसा यांची प्रमुख उपस्थिती होती.

पुढे बोलतांना शिक्षणाधिकारी (प्रा.) श्रीकांत कुलकर्णी म्हणाले की, शिक्षकांनी फक्त शैक्षणिक कर्तव्य पूर्ण करण्याची जबाबदारी पार पाडावी तेव्हाच मुलांची गुणवत्ता वाढेल. शिक्षकांनी सुसंस्कृत पिढी घडविण्यासाठी विद्यार्थ्यांवर मेहनत घ्यावी. आपण महापुरूषांच्या जयंती, पुण्यतिथी साजरी करतो. अशा कार्यक्रमातून गुणगौरवा बरोबर त्यांचे कार्य आत्मसात करून देश घडविण्यास मदत होते. शिक्षकांनी कामाची सुरुवात उत्साहात केल्यास कामाचा आनंद वाढून दर्जा सुधारतो. आदर्श शिक्षिका मंगल चव्हाण यांनी विद्यार्थ्यांना ज्ञानदानाच्या माध्यमातुन सुसंस्कृत करण्याचा प्रयत्न केला. अन्य शिक्षकांनी त्यांच्या प्रमाणे स्वत:ला झोकुन देउन कार्य करावे.

यावेळी गट शिक्षणाधिकारी श्रीराम टेकाळे, शिक्षण विस्तार अधिकारी सिद्धेश्वर माटे, तुकाराम जाधव, नगरसेवक संजय उढाण, खुर्शीद आलम, शिक्षक नेते उत्तम पवार, चव्हाण मॅडम यांचे बंधू इंजिनिअर चव्हाण यांनी उत्कृष्ट भावना व्यक्त करीत सेवानिवृत्त शिक्षिका यांना भावी आरोग्यमय जीवनासाठी शुभेच्छा दिल्या.

कार्यक्रमाचे प्रास्ताविक केंद्रीय मुख्याध्यापक शेख मुसा यांनी केले. त्यांनी आदर्श शिक्षिका चव्हाण मंगल बन्सीधर ह्या विद्यार्थीप्रिय शिक्षिका कशा ठरल्या. त्यांचे कुटुंब आणि शैक्षणिक क्षेत्रात केलेल्या उल्लेखनीय सेवा यावर ओझरता प्रकाश टाकला. शाळेतर्फे कागदे शिवकन्या, शेख आफसाना यांनी सेवानिवृत्त पर भाषण झाले. मनिषा मोराळे व विठ्ठल जायभाय यांनी बहारदार सुञसंचलन केले. आभार चित्रा मठकरी यांनी मानले. यावेळी मान्यवर मंडळी व शाळेच्यावतीन चव्हाण दाम्पत्याचा यथोचित सत्कार करण्यात आला.

उपस्थित सर्व मान्यवरांनी चव्हाण मॅडम यांना सेवानिवृत्ती बद्दल शुभेच्छा देत त्यांच जीवन आरोग्यमय व्हावे अशा भावना व्यक्त केल्या. सदर कार्यक्रमास केंद्रातील सर्व शिक्षक, पालक मोठ्या संख्येने उपस्थित होते. शिक्षक संघटना समन्वय समितीचे पदाधिकारी आवर्जुन उपस्थित होते.

डोळ्यांचे आरोग्य राखण्यासाठी सर्वात प्रभावी संरक्षणात्मक चष्मा – खालील वेबसाइटला भेट द्या

Most Effective Protective Eyewear To Maintain Eye Health