श्री गजानन नागरी सहकारी बँकेला २ कोटी ६५ लाखाचा नफा

By MahaTimes ऑनलाइन – बीड |

“सर्वांना आपलं मानणारी आपली बँक” या दृढ विश्वासाने १४५ कोटी व्यवसाय असलेल्या श्री गजानन नागरी सहकारी बँकेला मार्च २०२२ अखेर २ कोटी ६५ लाख १८ हजाराचा ढोबळ नफा झाला असुन करपुर्व नफा रू.१ कोटी ५६ लाख ९२ हजाराचा झाला आहे.अशी माहिती मुख्य कार्यकारी अधिकारी एम.आर.क्षीरसागर, सरव्यवस्थापक डॉ.एम.एस. शेख यांनी दिली. बँकेचे अध्यक्ष माजी मंत्री जयदत्त क्षीरसागर यांचे नियोजनबध्द निर्णय व अभ्यासु मार्गदर्शन लाभले आहे. तसेच बँकेचे उपाध्यक्ष जगदीश काळे व संचालक मंडळाचे मोलाचे मार्गदर्शन लाभले.

बँकेची मार्च २०२२ अखेर वित्तीय स्थिती मध्ये भाग भांडवल ३ कोटी ९६ लाख, राखीव व इतर निधी १४ कोटी २५ लाख, नेटवर्थ १४ कोटी ९८ लाख, ठेवी ८७ कोटी १६ लाख, कर्जे ५७ कोटी ६९ लाख, सी.डी. रेशो ६६.२० टक्के, ग्रॉस एनपीए २.३९ टक्के, नेट एनपीए शुन्य टक्के, २ कोटी ६५ लाख, भांडवल पर्याप्त रेशो २९.५८ टक्के खेळते भाग भांडवल १०७ कोटी ७२ लाख आहे. तसेच बँकेचा Average Borrowing Rate ५.४९ टक्के व Average Lending Rate १०.३४टक्के असुन वाढावा ४.८५ टक्के आहे. रिझर्व्ह बँकेचे सर्व नॉर्मस् पुर्ण करीत आहे.

मुख्य शाखा,हाईटस् बीड येथे असुन  बँकेच्या नवगण कॉलेज रोड शाखा, जुना मोंढा बीड शाखा, पेठ बीड शाखा व नेकनुर येथे शाखा, रायमोह शाखा, चौसाळा अशा 7 शाखा आहेत. या सात शाखांना ग्राहकांचा प्रतिसाद चांगला असून बँकेचे एकुण ग्राहक संख्या २२२६६ एवढी आहे. बँक आपल्या ग्राहकांना विविध प्रकारच्या सेवा देत आहे. सदर सेवेपासुन ग्राहक बँकेचे समाधान व्यक्त करीत आहे. बँकेचे कार्यक्षेत्र हे बीड जिल्ह्यात पुरतेच मर्यादित होते. परंतु आता मा.सहकार आयुक्त व निबंधक सहकारी संस्था, महाराष्ट्र राज्य, पुणे यांनी बँकेचे बीड जिल्हा लगतचे जिल्हे कार्यक्षेत्र वाढीस मंजुरी दिली आहे.

 त्यामुळे बीड जिल्ह्याबाहेर लगतच्या जिल्हयात बँकेच्या शाखा उघडण्याचा मानस आहे. तसेच पुढील वर्षात बीड जिल्ह्यातील पिंपळनेर व शिरूर (कासार) व जिल्ह्यालगतचा जिल्हा औरंगाबाद येथे नवीन शाखा उघडण्याचा मानस आहे. या यशात बँकेचे अध्यक्ष माजी मंत्री जयदत्त क्षीरसागर, उपाध्यक्ष जगदीश काळे यांचे व सर्व संचालक मंडळाचे तसेच मुख्य कार्यकारी अधिकारी एम.आर.क्षीरसागर व बँकेचे सरव्यवस्थापक डॉ.एम.एस.शेख यांचे व कर्मचाऱ्यांचे मोलाचे योगदान आहे.

ऑफिस वापरासाठी सर्वोत्तम बजेट छोटे प्रिंटर – खालील वेबसाइटला भेट द्या

Best Budget Small Printers For Office Use