MahaTimes सोलापूर येथे समारंभात मान्यवरांच्या हस्ते झाला गौरव
By MahaTimes ऑनलाइन – बीड |
शहरातील नूर एज्युकेशनल अँड वेलफेअर सोसायटी संचलित अल-हुदा उर्दू हायस्कूलचे मुख्याध्यापक डॉ. सिराज खान आरजू यांना सोलापूर येथे एक समारंभात राज्यस्तरीय आदर्श शिक्षक पुरस्कार देउन गौरविण्यात आले.
अल्पसंख्याक हक्क दिनानिमित्त सोलापूर येथील निर्मलकुमार फडकुले सभागृहात जन सेवा महाराष्ट्र संघटना व अखिल भारतीय उर्दू शिक्षक संघाच्या संयुक्तपणे विद्यमाने राज्यस्तरीय ‘आदर्श शिक्षक’ पुरस्कार प्रदान करण्यात आला.
कार्यक्रमाच्या अध्यक्षस्थानी मा. उर्वशी धवल प्रताप सिंह मोहिते पाटील ह्या होत्या तर प्रमुख अतिथी म्हणून सोलापूर मनपा शिक्षण मंडळाचे प्रशासन अधिकारी कादर शेख, राज्य अध्यक्ष महेबुब तांबोळी, बीड जिल्हाध्यक्ष मास्टर सिद्दिक अहमद व ईतर पाहूणे उपस्थित होते. कार्यक्र माचे प्रास्तविक राज्य सचिव साजिद निसार अहमद यांनी केले. डॉ. सिराज खान सहित महाराष्ट्रातील इतर भागांतून आलेल्या पुरस्कारप्राप्त शिक्षकांना पुरस्कार सोहळ्यात मान्यवरांच्या हस्ते गौरविण्यात आले.